काठमाडौं । अब कक्षा ११ र १२ मा नयाँ पाठ्यक्रम पढाई हुने भएको छ । सर्वोच्च अदालतले कक्षा ११ र १२ मा नयाँ पाठ्यक्रमविरुद्ध परेको रिट खारेज गरेसँगै नयाँ पाठ्यक्रममा लागु हुने भएको छ ।
लामो समयदेखि पाठ्याक्रम विवाद अन्त्य गर्दै सर्वोच्चले मंगलबार नयाँ पाठ्यक्रम लागु नगर्न माग गर्दै दायर गरिएको रिट खारेज भएको फैसला सुनाएको थियो ।
शिक्षा मन्त्रालयले नयाँ पाठ्यक्रम लागु गराउने निर्णय गरेपछि त्यसविरुद्ध गत असोजमा सर्वोच्चमा यस विरुद्ध रिट दर्ता भएको थियो । शिक्षा मन्त्रालयले विद्यालय शिक्षाको राष्ट्रिय पाठ्यक्रम प्रारुप २०७६ पास गरिसकेको छ ।
नयाँ पाठ्यक्रमअनुसार केही दिनभित्रै पढाई सुरु हुने शिक्षा मन्त्रालयका अधिकारीहरुले बताएका छन् । अनलाइन कक्षा संचालन गरिरहेका विद्यालयमा पनि नयाँ पाठ्याक्रमअनुसार पढाई गर्ने तयारी भइरहेको छ ।
