काठमाडौँ । अखिल क्रान्तिकारीले मध्यपश्चिमाञ्चल विश्वविद्यालयले प्रहरी लगाएर आन्दोलनरत विद्यार्थीमाथि निर्मम दमन गर्न लगाएको भन्दै विरोध जनाएको छ । विप्लव नेतृत्वको नेपाल कम्युनिस्ट पार्टी निकट अखिल क्रान्तिकारीका भेरी–कर्णाली संयोजक हर्कबहादुर बिकले विज्ञप्ति जारी गरेर विश्वविद्यालयमा भएको घटनाले संगठनको ध्यानाकर्षण गरेको जनाएका छन् ।
“यहि पौष २६ गते मध्यपश्चिम विश्वविद्यालयमा आन्दोलनरत विद्यार्थीहरुमाथि विश्वविद्यालय र प्रहरी प्रशासनको मिलेमतोमा गरिएको निर्मम दमन र धरपकडप्रति हाम्रो संगठनको गम्भीर ध्यानाकर्षण भएको छ । आफ्ना जायज मागहरू विश्वविद्यालय समक्ष राख्न पाउने विद्यार्थीहरुको अधिकारमाथि धावा बोलिनु अत्यन्तै खेदजनक छ” विकले जारी गरेको विज्ञप्तिमा भनिएको छ ।
विश्वविद्यालय खोज, अध्ययन र अनुसनधानसहितको बौद्धिक एवं प्राज्ञिक थलोको रुपमा बुझिने भएपनि नेपालका धेरै विश्वविद्यालय सत्तासील शक्तिको निहित स्वार्थको चंगुलमा रहेको बताउँदै संयोजक बिकले मध्यपश्चिमा विश्वविद्यालय यसले विश्वविद्यालयको गरिमा र महत्वमाथिम नै प्रश्न उठेको बताएका छन् ।
संयोजक बिकले जारी गरेको विज्ञप्तिम भनिएको छ, “सामान्यतः विश्वविद्यालयहरुलाई खोज, अध्ययन, अनुसन्धानसहितको बौद्धिक एवम् प्राज्ञिक थलोका रुपमा बुझिन्छ । तर, नेपालका विश्वविद्यलयहरु सत्तासीन शक्तिको निहित स्वार्थको चंगुलमा छन् । जसले गर्दा विश्वविद्यालयको गरिमा र महत्वमाथी नै प्रश्न उठ्ने गरेको छ । मध्यपश्चिम विश्वविद्यालय पनि यसैको शिकार भएको तथ्य स्पष्ट नै छ । भ्रष्टाचारको अखडाको रुपमा रहेको यस विश्वविद्यालयलाई भ्रष्टाचारमुक्त बनाई असल शैक्षिक थलोका रुपमा स्थापित गर्न जरुरी भएको बेला अध्ययनरत विद्यार्थीहरु, सम्बद्ध सरोकारवाला सबै पक्षहरुसँग सहकार्य गर्न छोडेर फासिस्ट र क्रुरशैलीमा विश्वविद्यालय प्रशासन आफै उत्रिएको छ । प्रहरी प्रशासनको दुरुपयोग गरि आन्दोलनरत विद्यार्थीमाथी दमन गरिएको उक्त घटनाको हाम्रो संगठन घोर निन्दा एबम् भत्सर्ना व्यक्त गर्दछ । साथै घटनाको निष्पक्ष छानबिन गरि दोषीमाथी कडा कार्बाही गर्न सम्बन्धित पक्षसँग जोडदार माग गर्दछौं । आन्दोलनरत विद्यार्थीहरुका मागहरूको तुरुन्तै समाधान गर्न हामी सम्बन्धित पक्षको ध्यानाकर्षण गराउन चाहन्छौं ।”
