News Portal

  • प्रचण्ड-माधवले निर्वाचन प्रक्रिया रोक्न गरेको आग्रह अस्वीकार

    डबली संवाददाता२०७७ पुस २७ गते
    ६९ पटक

    काठमाडौं । नेपाल कम्युनिस्ट पार्टी (नेकपा)का अध्यक्ष प्रचण्ड र अर्का अध्यक्ष माधवकुमार नेपाल समूहले निर्वाचन प्रक्रिया स्थगित गर्न गरेको आग्रह निर्वाचन आयोगले अस्वीकार गरेको छ । सोमबार प्रक्रिया रोक्न सो समूहका नेताहरु आयोगमा पुगेका थिए ।

    प्रचण्ड–नेपालसहति सो समूहका नेताहरु र आयोगका अधिकारीहरुबीच सामान्य छलफल भएको थियो । सो क्रममा आयोगका अधिकारीहरुले चुनाव प्रक्रिया रोक्न नसकिने जानकारी दिएको बताइएको छ ।

    प्रधानमन्त्री केपी शर्मा ओलीले ५ पुसमा प्रतिनिधिसभा विघटन गरेर वैशाख १७ र २७ मा मध्यावधि निर्वाचन घोषणा गरेसँगै (नेकपा) फुटेको थियो । फुटले मानुनी मान्यता पाउन बाँकी नै छ । निर्वाचन आयोगले पनि कसलाई वैधानिकता दिने भन्नेबारे निर्णय गरिसकेको छैन । दुबै पक्षले आआफ्नो दाबी जारी राखेका छन् ।

    संसद विघटनको मुद्धा सर्वोच्च अदालतमा परेको र पार्टीको विवाद पनि कानुनीरुपमा टुंगिएको छैन । (नेकपा)को प्रचण्ड–नेपाल समूहले संसद पुनस्र्थनाको माग गर्दै अदालतमा रिट दायर गरेको छ । संवैधानिक इजलासमा बहस सुरु भएपनि मुद्धाबारे फैसला हुन बाँकी छ ।
    प्रचण्ड नेपालसँग आयोगका पदाधिकारीहरुले भने मतदाता नामावली संकलन रोकेर मतदान केन्द्र निर्धारणको काम मात्र भएको जवाफ दिएका छन् ।

    वैधानिकताको लागि निर्णय गर्ने भन्दै आयोगले दुबै समूहलाई पत्राचार गरेको छ ।

    प्रतिकृया दिनुहोस्