काठमाडौं । नेपाल कम्युनिस्ट पार्टी (माओवादी केन्द्र) सहित तीनवटा पार्टीबीच आज एकता हुँदै छ । संसद विघटन गर्ने प्रधानमन्त्री केपी शर्मा ओलीको कदमलाई असंवैधानिक र निरंकुश भन्दै सडक संघर्षलाई शसक्त बनाउन तीन पार्टीबीच एकता हुन लागेको बताइएको छ ।
आज (आइतबार) दिउँसो २ बजे काठमाडौंको अनामनगरस्थित संवाद डबलीमा एकता तथा क्रान्तिकारी ध्रुविकरण कार्यक्रम तय गरिएको छ । माओवादी केन्द्र, नेकपा (संयुक्त क्रान्तिकारी) र जनमुक्ति पार्टी (माओवादी) पार्टीबीच एकता हुन लागेको हो ।
माओवादी केन्द्रका अध्यक्ष कर्णजीत बुढाथोकी ‘शुसिल’ ले प्रधानमन्त्री ओलीको कदमलाई परास्त गरी जनताको अधिकार स्थापित गर्न क्रान्तिकारी पार्टीबीच ध्रुविकरण हुन आवश्कय भएको बताए ।
