News Portal

थप ८३० जना संक्रमित भेटिए, १५ सय कोरोनामुक्त

डबली संवाददाता२०७७ मंसिर २८ गते
६९ पटक

काठमाडौं । नेपालमा कोरोना भाइरस संक्रमण परीक्षण गराउनेको संख्या निकै घटेको छ । देशैभन्दा अगाडि दैनिक १० हजारसम्म गरिएको परीक्षण आइतबार ५ हजारमा झरेको छ ।

कोरोना परीक्षण गराउने घटेसँगै संक्रमणदर पनि घटेको छ । स्वास्थ्य तथा जनसंख्या मन्त्रालयका अनुसार पछिल्लो २८ घण्टामा थप ८३० जनामा कोरोना भाइरस (कोभिड–१९) को संक्रमण पुष्टि भएको छ । आज देशभरका प्रयोगशालामा ५१८१ नमूना परीक्षण गरिएको मन्त्रालयले जनाएको छ । आइतबारसम्म कुल संक्रमितको संख्या २ लाख ४८ हजार ४२३ पुगेको मन्त्रालयले जानकारी दिएको छ ।

त्यसैगरी आज थप १ हजार ५ सय जना कोरोनामुक्त भएका छन् । योसँगै २ लाख ३५ हजार ७३१ जना संक्रमणमुक्त भएका छन् । संक्रमण दर घटेसँगै सक्रिय संक्रमित पनि घटेका छन् । आज देशभर १० हजार ९९४ जना सक्रिय संक्रमित रहेको मन्त्रालयले जनाएको छ ।

त्यसैगरी कोरोनाबाट थप ९ जना संक्रमितको ज्यान गएको छ । योसँगै ज्यान गुमाउनेको संख्या १ हजार ६९८ पुगेको छ ।

प्रतिकृया दिनुहोस्