काठमाडौं । कोरोना खोप लगाउने रुस पहिलो देश भएको छ । सबैभन्दा पहिला कोरोना खोपको विकास गरेको रुस प्रयोग गर्नेमा पनि पहिलो भएको छ । रुसी पह मंसिर १८ । रुसले गएको अगष्ट महिनामा नै कोभिड १९ का विरुद्धको खोप स्पुतनिक–भी निर्माण गरिसकेको थियो ।
रुसका स्वास्थ्यमन्त्री मिखाइल मुरास्कोले खोप प्रभावकारी रहेको भन्दै रुसले त्यसलाई प्रयोगमा ल्याएको बताए । गत अगष्ट ११ मा नै रुसले सो खोप प्रयोगमा ल्याएको बताइएको थियो । मुरास्कोले कोभिड-१९ विरुद्धमा खोप लगाउने रुस विश्वकै पहिलो देश भएको बताए ।
रुसले नागरिकलाई कोरोना खोप लगाएकोे भिडियो पनि बनाएको र त्यसको लिंक पनि संयुक्त राष्ट्रसंघलाई दिइएको बताएको छ । गएको महिना मात्र सो खोपको प्रभावकारीताको बारेमा अनुसन्धान गरिएको थियो ।
अनुसन्धानबाट रुसले बनाएको खोपले करिब ९२ प्रतिशतसम्म काम गर्ने पाइएको थियो । रुसका पनि पछिल्लो समयमा कोभिड १९ का संक्रमितहरुको संख्या बढ्दै गएको छ । रुसले बनाएको खोपले सबैभन्दा पहिला खोपबारे सबै कानुनी प्रक्रिया पूरा गरेको थियो । रुस नै खोरोना खोप बनाउने पहिलो देश भएको थियो ।
अहिलेसम्म रुसमा २३ लाखभन्दा बढी नागरिक कोरोना संक्रमित भएका छन् । उनीहरुमध्ये धेरै निको भएर डिस्चार्ज भइसकेका छन् । कोरोना महामारी फैलिएसँगै रुसी राष्ट्रपति भ्यादिमिर पुटिनले खोप निर्माण गर्न आफ्ना स्वास्थ्य विज्ञलाई निर्देशन दिएका थिए । अन्य देशलाई महामारीमा सहयोग गरेको रुसले मास परीक्षण गरेको थियो ।
सोभियत कालमा रुस अन्तरिक्षमा पहिलो पटक पुगेको थियो । कोरोना खोपको नाम पनि अन्तरिक्ष यानकै नाम राखेको छ । कोरोनाविरुद्धको लडाइँमा राष्ट्रपति पुटिन स्टालिनशैलीमा काम गरिरहेका छन् । समस्यासँग जुध्न वा विरोधीसँग आक्रमक रुपमा प्रस्तुत हुने स्टालिनशैली हो ।
