News Portal

  • पुनः मतगणना गरिएको जर्जिया राज्यमा ट्रम्प फेरि पनि पराजय

    डबली संवाददाता२०७७ मंसिर ६ गते
    ३७४ पटक

    काठमाडौं । अमेरिकी राष्ट्रपति चुनावमा धाँधली भएको भन्दै डोनाल्ड ट्रम्पले पुनः मतगणनाको माग गरेको राज्यमा फेरि पनि पराजित भएका छन् । ट्रम्पको समूहले पुनः मतगणनाको माग गरेपछि जर्जिया राज्यमा पुनः गरिएको थियो ।

    पुनः मतगणना गर्दा पनि जर्जिया राज्यमा डेमोक्रेट पार्टीका उम्मेदवार जो बाइडेन विजयी भएको आधिकारिक रुपमा घोषणा गरिएको समाचार एजेन्सीहरुले जनाएका छन् । बाइडेन १२ हजार ६ सय ७० मत प्राप्त गरी सो राज्यमा विजयी भएका हुन् । यो जितसँगै बाइडेनले उक्त राज्यबाट १६ निर्वाचक प्रतिनिधि (इलेक्टोरल मत) प्राप्त गरेका छन् ।

    जर्जियामा सन् १९९२ पछि पहिलो पटक डेमोक्रेट उम्मेदवार बाइडेन विजयी भएका छन् । सन् १९९२ मा बिल क्लिन्टनले विजय भएका थिए । बाइडेन पेन्सिल्भेनिया, मिचिगन र विस्कन्सिन राज्यमा विजयी भएसँगै गत नोभेम्बर ७ मै अनौपचारिक रुपमा विजयी घोषणा गरिएको छ ।

    जोर्जियाको मत परीणाम आएसँगै बाइडेनले ३ सय ६ इलेक्टोरल मत प्राप्त गरेर अमेरिकी राष्ट्रपतिमा निर्वाचित भएका छन् । राष्ट्रपति ट्रम्पको भने २ सय ३२ मतमै सिमित भएका छन् । अमेरिकाको राष्ट्रपतिमा विजयी हुन २ सय ७० मत आवश्यक हुन्छ ।

    प्रतिकृया दिनुहोस्