News Portal

  • फ्रान्समा कोरोनाको दोस्रो छालः एकैदिन ९ सयको ज्यान गयो, दैनिक ६० हजार बढी संक्रमित

    डबली संवाददाता२०७७ कात्तिक २२ गते
    १८१ पटक

    काठमाडौं । फ्रान्समा कोरोना भाइरस संक्रमणको दोस्रो लहर तीब्र रुपमा फैलिरहेको छ । युरोपमा दोस्रो पटक कोरोना फैलिरहेको छ । पुनः लकडाउन र निषेधित क्षेत्र घोषणा गरिएपनि कोरोना संक्रमण नियन्त्रण बाहिर गएको छ ।

    संक्रमितसँगै ज्यान गुमाउनेको संख्या पनि उच्च रहेको छ । कोरोनाका कारण फ्रान्समा एकैदिन करिब ९ जनाको ज्यान गएको अन्तर्राष्ट्रिय संचारमाध्यमहरुले बताएका छन् । तर फ्रान्सका अधिकारीहले भने बितेको २४ घण्टामा ८ सय २८ जनाको कोरोका कारण निधन भएको बताएका छन् ।

    त्यसैगरी फ्रान्समा फेरि दैनिक ६० हजार बढी कोरोना संक्रमित भेटिन थालेका छन् । बितेको २४ घण्टामा फ्रान्समा एकैदिन ६० हजार बढी जना संक्रमित भएका छन् । यो संख्या युरोप भरिकै सबैभन्दा उच्च हो ।

    जोन हप्किन्स यृुनिभर्सिटीले फ्रान्समा कोरोना भाइरसको संक्रमण उच्च बिन्दुमा पुगेको जनाउँदै सतर्कता नअपनाए स्थिती भयावह अवस्थामा पुग्ने चेतावनी दिएको छ ।

    फ्रान्सका अधिकांश अस्पतालहरु संक्रमितहरुले खचाखच भरिएका छन् । हजारौं संक्रमितहरु सडकमा खुलेआम हिडेका कारण पनि संक्रमण दर उच्च गतिमा फैलिरहेको अनुमान गरिएको छ ।

    हाल फ्रान्समा जारी लकडाउनका बीच शैक्षिक संस्थाहरुमा अनलाइन कक्षा सञ्चालन भइरहेका छन् भने रेष्टुराँ, होटल, कलकारखाना र अत्यावशकीय बजार बाहेक अन्य बजारहरु पूर्ण रुपमा बन्द रहेका छन् ।

    फ्रान्समा कोरोनाले हालसम्म ३९ हजार ८ सय बढीको मृत्यु भइसकेको छ भने संक्रमितको संख्या १६ लाख ६१ हजार ८ सय नाघेको छ

    प्रतिकृया दिनुहोस्