News Portal

  • अमेरिकी राष्ट्रपति ट्रम्प होम आइसोलेसनमा, कस्तो छ स्वास्थ्य अवस्था ?

    डबली संवाददाता२०७७ असोज १६ गते
    ४५८ पटक

    काठमाडौं । अमेरिकी राष्ट्रपति डोनाल्ड ट्रम्पलाई कोरोना भाइरस संक्रमण पुष्टि भएको छ । उनकी पत्नी तथा अमेरिकी फर्स्ट लेडी मेलानिया ट्रम्पलाई पनि कोरोना संक्रमण भएको छ ।

    ट्रम्पले शुक्रबार सामाजिक सञ्जाल ट्विटरमार्फत् आफूलाई कोरोना संक्रमण पुष्टि भएको जानकारी दिएका छन् । ट्रम्पले आफू होम क्वारेन्टिनमा बस्ने र आफूहरु छिटै निको हुने विश्वास पनि उनले व्यक्त गरेका छन् ।

    यसअघि ट्रम्पका वरिष्ठ सल्लाहकारमध्येकी एक होप हिक्सलाई पनि कोरोना संक्रमण पुष्टि भएको थियो । त्यसपछि ट्रम्प र मेलानियाको पनि कोरोना परीक्षण गरिएको थियो । परीक्षणको क्रममा उनीहरुलाई पनि कोरोना संक्रमण पुष्टि भएको अन्तर्राष्ट्रिय संचारमाध्यमहरुले जनाएका छन् ।

    ट्रम्पकी सल्लाहकार हिक्सलाई भने कोरोनाका केही लक्षण पनि देखिएको छ । ट्रम्पले हिक्सले कडा अनवरतरुपमा कडा परिश्रम गरेको भन्दै प्रशंसा पनि गरेका छन् ।

    ट्रम्पले कोरोनालाई सामान्य भन्दै आएका थिए । सुरुका दिनमा कोरोनालाई चिनियाँ भाइरस भन्दै बेवास्ता गरेका ट्रम्पले विश्वमा सबैभन्दा बढी कोरोनाबाट प्रभावित भएपछि मास्क लगाउन तयार भएका थिए । मास्क लगाउने कुरा गर्दा आफ्ना चिकित्सक र सल्लाहकारलाई हकार्दै आएका ट्रम्प मास्क लगाउन तयार भएका थिए ।

    ट्रम्पकले कोरोनालाई गम्भीर रुपमा नलिएकोले नै सबैभन्दा बढी अमेरिकामा क्षति पुगेको भन्दै विश्वभर आलोचना भइरहेको छ । यही बेला ट्रम्पलाई कोरोना संक्रमण भएको छ ।

    प्रतिकृया दिनुहोस्