News Portal

  • चिनियाँ कम्पनीले भन्यो- २०२१ मा कोरोना खोप विश्वरभर पुर्याउन छौं

    डबली संवाददाता२०७७ असोज १० गते
    ४९४ पटक

    काठमाडौं । कोरोना भाइरसविरुद्धको खोप सन् २०२१ मा मात्रै विश्व बजारमा पठाउने चिनियाँ कम्पनीले बताएको छ । नको औषधि निर्माता कम्पनी सिनोभ्याकले आफूले विकास गरिरहेको कोरोनाविरुद्धको खोप (कोरोनाभ्याक) सन् २०२१ मा तयार हुने जनाएको छ ।

    कम्पनीले आगामी वर्ष सन् २०२१ को फेब्रुअरी वा मार्चसम्ममा एक करोडसम्म खोप उत्पादन गर्ने लक्ष्य लिएको जनाएको छ । सिनोभ्याकले जोखिममा रहेका बच्चा र बुढाबुढीका लागि कोरोनाभ्याकको सानो खुराक पनि परीक्षण गर्न थालेको छ ।

    खोपको स्वीकृत मापदण्ड बमोजिम कोरोनाभ्याक खोपको अझै तेस्रो चरणको ‘क्लिनिकल’ परीक्षण सम्पन्न नभएपनि सिनोभ्याकले चीनमा हजारौं मानिसलाई आपत्कालीन प्रयोग प्रावधानअन्तर्गत् सम्मिलित गरिसकेको छ ।

    कम्पनीले यो खोप अमेरिकासमेत विश्वका विभिन्न मुलुकमा वितरण गरिने जनाएको छ ।

    सिनोभ्याकका प्रमुख कार्यकारी यीन वेडोङले आफूले व्यक्तिगतरुपमा पनि कोरोनाभ्याक लगाइसकेको बताएको चिनियाँ संचारमाध्यमहरुले समाचार प्रकाशित गरेका छन् ।

    चीनले यस वर्षको सुरुमा जोखिमयुक्त जनसंख्याका लागि खोप लगाउन अनुमति दिएको थियो । जसमा एक हजारभन्दा बढी स्वास्थ्यकर्मी र सीमा रक्षकहरु सामेल थिए । सिनोभ्याकमा कार्यरत् ९० प्रतिशतभन्दा बढी कर्मचारीलाई कोरोनाभ्याक दिइएको कम्पनीले जनाएको छ ।

    अमेरिका, युरोपेली युनियन, जापान र अष्ट्रेलियाका कडा नियमहरूका कारण विगतदेखि नै चिनियाँ खोपहरू बिक्री हुनसकेका छैनन् । उनीहरुले चिनियाँ खोपमाथि प्रश्न उठाउँदै बिक्री नगर्न भनेका छन् ।

    अहिलेसम्म विना औषधि कोरोनासँग लडिरहेका मानिसहरुले चिनियाँ र रसियन खोप बजारमा आउने समाचारसँगै केही राहत महशुस गरेका थिए । तर चिनियाँ कम्पनीले सन् २०२१ मात्रै आउने बताएको छ ।

    यसैबीच नेपालमा कोरोना संक्रमितको संख्या ७१ हजार नजिक पुगेको छ । स्वास्थ्य तथा जनसंख्या मन्त्रालयले शुक्रबार देशभर कोरोना भाइरसबाट ७० हजार ६१४ जना संक्रमित भएको बताएको थियो । शनिबार विहानसम्म आउँदा त्यो ७१ हजार नजिक पुगेको बताइएको छ ।

    शुक्रबार थप १ हजार ३१३ जनामा कोरोना भाइरसको संक्रमण पुष्टि भएको थियो । मन्त्रालयका प्रवक्ता डा.जागेश्वर गौतमले कोरोनाबाट ज्यान गुमाउनेको संख्या ४५९ पुगेको जानकारी दिए । शुक्रबार थप ६ जनाको निधन भएसँगै यो संख्या पुगेको हो ।

    त्यसैगरी शुक्रबार थप १ हजार ४ सय ५५ जनाले कोरोना जितेर डिस्चार्ज भएका छन् । हालसम्म नेपालमा ५१ हजार ८ सय ६६ जना कोरोनामुक्त भएका छन् ।

    मन्त्रालयका अनुसारहाल सम्म ९ लाख ६८ हजार १ सय ८५ जनाको पीसीआर परीक्षण भएको छ । यो समय १८ हजार २८९ जना आईसोलेसन्मा रहेको छन् । ६ हजार ४६४ जना करेन्टाईनमा रहेको छन् ।

    प्रतिकृया दिनुहोस्