News Portal

शनिबार थप १२०१ जनामा संक्रमण पुष्टि, हाल सम्म ३३६ जनाले ज्यान गुमाए

डबली संवाददाता२०७७ भदाै २७ गते
१३० पटक

काठमान्डाै । स्वास्थ्य तथा जनसङख्या मन्त्रालयको नियमित प्रेश बिफिङमा पछिल्लो २४ घण्टामा नेपालमा थप १२०१ जना कोरोना सक्रमित भएको जनाएकाे छ । हालसम्म नेपालमा कोरोना संक्रमितको संख्या ५३१२० पुगेको छ । यस अघि डा. जागेश्वर गौतमले शुक्रबार १४५४ र बिहीबार मात्रै १२४६ जनामा संक्रमण देखिएको पुष्टि गरेका थिएका थिए ।

मन्त्रालयका अनुसार पछिल्लो २४ घण्टामा थप १४ जनाको ज्यान गएको छ । योसँगै कारोना संक्रमणबाट ज्यान गुमाउने ३३६ जना पुगेको छन् । शनिबार विहान पोखरामा एकजना कोरोना स्रमितको निधन भएको छ । उनि स्याङ्जाका हुन् संक्रमितको निधन भने पोखरामा उपचारको क्रममा भएको हो । स्याङ्जामा ज्यान गुमाउने ८५ वर्षका पुरुष हुन् । उनि स्याङ्जा पुतलीबजारका हुन् । त्यस्तै, शुक्रबार करिब १२ बजे पछि रुपन्देहीको बुटवलमा पनि कोरोना संक्रमणका कारण एक पुरुषको निधन भएको छ । त्यस्तैगरी शनिबार चितवनमा पनि कोरोनाभाइरसका कारण एक जनाको निधन भएको पुष्टि भएको छ ।

काठमाडौं उपत्यकाका थप ४३१ जनामा कोरोना भाइरस को संक्रमण पुष्टि भएको छ । काठमाडौंका ३७७, ललितपुरका ३७ र भक्तपुरकमा १७ जनामा संक्रमण पुष्टि भएको हो । पछिल्लो २४ घण्टामा काठमाडौं उपत्यकाका ५ जनाको ज्यान गएकाे हाे ।

काठमाडौंका ५१ र ५४ वर्षीय पुरुष, ७६ वर्षीया महिला र भक्तपुरका ३८ र ७४ वर्षीय पुरुषको ज्यान गएकाे हो । शुक्रबार काठमाडौं उपत्यकामा ६९६ कोरोना संक्रमित थपिएका बताएका थिए । उनिहरु काठमाडौंका ६२०, ललितपुरमा ३८ र भक्तपुरमा ३८ जनामा कोरोना संक्रमण भएका थिए ।

नेपालमा अहिले १५ हजार २६० कोरोनाका सक्रिय संक्रमित छन् । होम आइसोलेसनमा ६ हजार १५३ जना रहेका छन् भने संस्थागत आइसोलेसनमा ९ हजार १०७ जना रहेका छन्। क्वारेन्टाइनमा ६ हजार ३५४ जना रहेका छन् ।

पछिल्लो २४ घण्टामा ८५२ जना कोरोना जितेर डिस्चार्ज भएका छन् । योसँगै कुल डिस्चार्ज हुनेको संख्या ३७ हजार ५२४ पुगेको छ । यो डिस्चार्ज हुनेको ७० दशमलव ६ प्रतिशत हो। आज सम्म आइसीयूमा १६० जनाको उपचार भइरहेको छ भने २४ जना भेन्टिलेटरमा उपचाररत छन् ।

शुक्रबार नेपालमा थप १४५४ जनामा कोरोना भाइरसको संक्रमण भएको पुष्टि गरेको थियो भने त्यस्तै थप ५ जनाको ज्यान गएको थियो । हिजो थप ९७२ जना कोरोना संक्रमणमुक्त भएर घर गएको थिए ।

यसैबिच विश्वभर कोरोना भाइरसको सङ्क्रमणबाट ९ लाख २० हजार बढीको ज्यान गएको छ । त्यस्तै विश्वभरि अहिलेसम्म २ करोड ८६ लाख ७९ हजार १९२ जना कोरोना भाइरसबाट सङ्क्रमित भएका छन् । त्यस्तै विश्वभर सङ्क्रमणमुक्त भएकाहरुको २ करोड ५ लाख ९४ हजार ८८४ पुगेको छ ।

प्रतिकृया दिनुहोस्