News Portal

  • नेकपा अछामले जबर्जस्ति ब्याज र किस्ता उठाउने माईक्रोफाईनेन्स एजेण्डलाई चेतावनी सहित फिर्ता पठायो

    डबली संवाददाता २०७७ साउन २० गते
    ६२४ पटक

    काठमान्डौं । नेपाल कम्युनिस्ट पार्टी ( नेकपा ) अछामले जबर्जस्ति ब्याज र किस्ता उठाउने माईक्रोफाईनेन्स एजेण्डलाई चेतावनी सहित फिर्ता पठाएको छ ।

    बिप्लव निकट नेकपा अछामको इन्चार्ज क. नवीन र सचिव क. आखिरले जारी गरेको विज्ञप्तिमा भनिएको छ पार्टीको निर्देशन लाई अटेर गरेर मिति २०७७ साउन २० गतेका दिन एन. आर. एन. भन्ने वित्तीय संस्था (माइक्रोफाईनेन्स) ले मंगलसेन न.पा. १४ कालागाउँमा जनता बाट ब्याज र किस्ता उठाई रहेको बेला पार्टीका कमरेड सोही स्थानमा गई उक्त काम रोकी सम्पुर्ण जनताको सहभागितामा चेतावनी सहित पैसा उठाउन नदिई फिर्ता पठाईएको छ ।

    त्यस्तै बिज्ञप्तिमा कोरोना महामारीको कारणले गर्दा जनताको जिवन आर्थिक अभावमा गुज्रिरहेको छ । यस्तो बेला सबै स्थिति सहज नहुदा सम्म हाम्रो पार्टी द्वारा विभिन्न बैंक , वित्तीय संस्थाहरु लाई जबर्जस्ति ब्याज र किस्ता न उठाउन निर्देशन जारी गरेको छ ।

    अहिले माईक्रोफाईनेन्स र वित्तीय संस्थाको नाममा जनता वाट १८ देखि २५ ५ सम्म ब्याज असुल्ने र विभिन्न सेवा शुल्कको नाममा गाउँका अशिक्षित र सोझा साझा जनताहरु लाई लुटिरहेका छ्न। यस्ता सम्पुर्ण गतिविधि रोक्न र जनता नसताउन हाम्रो पार्टीले पटकपटक भन्दै आएको छ।

    अझै पुनः यस्ता गतिविधि रोक्न सचेत गराउदछौ। अन्यथा अटेर गर्दै गए पार्टी आवश्यक जनकारबाही गर्न बाध्य हुने उल्लेख छ । त्यसै गरी नेकपा जनजिविका, जनतन्त्र र राष्ट्रियताको मुद्दा सहित वैज्ञानिक समाजवादी व्यवस्थाको स्थापनार्थ निरन्तर संघर्षरत रहेको भनिएको छ ।

    प्रतिकृया दिनुहोस्