सुर्खेत । कर्णाली प्रदेशमा थप ४३ जनामा कोरोना भाइरस संक्रमण भएको पुष्टि भएको छ । जुम्लामा पहिलो पटक कोरोना संक्रमण भएको पुष्टि भएको छ ।
कर्णाली स्वास्थ्य विज्ञान प्रतिष्ठान जुम्लामा गरिएको पीसीआर परीक्षणमा जुम्लाका १९ र दैलेखका २४ गतरी ४३ जनामा कोरोना संक्रमण भएको पुष्टि भएको हो । संक्रमित हुनेमा दुई जना प्रहरी पनि छन् ।
प्रस्तिस्ठानका अनुसार जुम्लाको हिमा गाउँपालिका वडा नं. १, ५, ६ र ७ वडाका ८ जना र सिंजा गाउँपालिका वडा ३, ४, ५, र ६ का ९ जना पुरुष छन् ।
त्यसैगरी दैलेख नारायण नगरपालिका वडा नं. २, ४, ५ र ९ का १७ र दुल्लु नगरपालिका वडा नं. ८ र १२ का ७ जनामा कोरोना संक्रमण भएको पुष्टि भएको छ । संक्रमितमध्ये दुई वर्षीय बालिकामा कोरोना संक्रमण भएको छ ।
सोमबारसम्म आइपुग्दा दैलेखमा मात्रै संक्रमितको संख्या ७२ पुगेको छ । कर्णाली प्रदेशभरी १ सय ६६ जनामा संक्रमण पुष्टि भएको छ ।
