काठमाडौं । आज लकडाउनको ६० औं दिन अर्थात दुई महिना पूरा भएको छ । नेपालमा कोरोना भाइरसबाट संक्रमित हुनेको संख्या ५०० नाघेको छ ।
शुक्रबार थप २० जनामा कोरोना संक्रमण भएको पुष्टि भएसँगै संक्रमितको संख्या ५०७ पुगुेको हो ।
स्वास्थ्य तथा जनसंख्या मन्त्रालयकाअनुसार पहिलो पटक डडेलधुरा र वैतडीमा पनि संक्रमण देखिएको छ । डडेलधुराको पराशुराम-१० का २८ वर्षीय पुरुष र वैतडीको शिवनाथ-१ का २२ वर्षीय पुरुषमा कोरोना संक्रमण पुष्टि भएको हो ।
कोरोनामुक्त भएको कैलालीमा पुनः कोरोना देखा परेको छ । जानकी गाउँपालिकाको सरस्वती माविको क्वारेन्टाइनमा रहेका १९, २३ र २६ वर्षका पुरुषमा संक्रमण पुष्टि भएको मन्त्रालयले जनाएको छ ।
भारतबाट उद्दार गर्न थालेपछि नयाँ संक्रमित भेटिएका हुन् ।
त्यसैगरी बाँकेमा १४ जना संक्रमित थपिएका छन् । राप्ती सोनारीका १८ वर्षीय पुरुष र १३ जना नरैनापुरका हुन् ।
उता मोरङको रतुवामाई- २ का एक जनामा पनि संक्रमण पुष्टि भएको छ ।
