काठमाडौँ । चीन र भारतबीच सिक्किमस्थित सीमा क्षेत्रमा विवाद उत्पन्न भएको छ । लामो समयदेखि विवाद रहेको उक्त क्षेत्रमा चीन र भारतीय सैनिकबीच हतियारविनाको लडाइँ भएको छ । दुबै देशका सेनाबीच भएको कुटाकुट भएको बीबीसीले बताएको छ । कुटाकुटबाट दुबै देशका सैनिक घाइते भएका छन् ।
विवाद बढ्दै गएपछि दुबै देशका सेनाबीच हात हालाहाल भएको भारतीय संचारमाध्यमहरुले पनि बताएका छन् । कुटाकुटमा चीनका सात र भारतका चार सैनिक घाइते भएका छन् । ढिलो गरी सार्वजनिक भएको उक्त घटनालाई दुबै देशका सैन्य अधिकारीहरुले विवाद समाधान गरिसकेको बताइएको छ ।
उक्त क्षेत्रमा झन्डै ३,४०० किलोमिटर लामो सीमा क्षेत्रमा दुवै देशमा विवाद कायमै छ । सो क्षेत्रमा दुबै देशका सेनाले एकअर्कासँग छाती जुझाउने, धकेल्ने र ढुङ्गा हानाहान गर्ने र कुटाकुट गर्दै आएका छन् ।
केही वर्षअघि दोक्लम विवादले दुई देशको सम्बन्ध चिसिएपछि भारत र चीनका शीर्षस्थ नेताबीच वार्ता भएको थियो ।
समुद्री सतहभन्दा ५,००० मिटरको उचाइमा रहेको नाकुला सीमा क्षेत्रमा सन् १९६२ मा भारत र चीनबीच युद्ध भएको थियो । त्यो युद्धपछि विवाद भएपनि गोली भने चलेको छैन ।
सन् २०१७ मा चीन र भारतबीच दोक्लामा पनि विवाद छ । केही समय पहिले चीनले भारतीय सैनिक आफ्नो भूभागमा प्रवेश गरेको भन्दै त्यहाँबाट हट्न भनेको चेतावनी दिएको थियो । भारतले आफ्ना सैनिकलाई नहटाए लाजमर्दो अवस्थाको सामना गर्नुपर्ने चेतावनी दिएको थियो ।
भारतले वार्ताको पहल गरेपनि चीनले दोक्लामबाट भारतीय सेना फिर्ता नभएसम्म कुनै वार्ता नहुने बताएको थियो । उक्त क्षत्र भारतसँग नभएर भुटानसँग सीमा जोडिएको छ । तर, भारतले भुटानलाई सहयोग गर्न चीनले बनाउँदै गरेको सडक निर्माणमा अवरोध पुर्याउन सो क्षेत्रमा गएको सेना पठाएको थियो । चीनले सीमा क्षेत्रमा सडक निर्माण गरेकोभन्दै रोक्न दोक्लाम पुगेको थियो तर आफूले नेपालको भूमि अतिक्रमण गरेर चीनसँग जोड्ने सडकको उद्घाटन गरेको छ ।
- फाइल फोटो
