News Portal

  • लकडाउनबीच अखिल क्रान्तिकारीले काठमाडौँमा जलायो भारतीय नक्सा (भिडियोसहित)

    डबली संवाददाता२०७७ बैशाख २८ गते
    ५८७ पटक

    काठमाडौँ । अनेरास्ववियु (क्रान्तिकारी)ले भारतको नक्सा जलाएको छ । नेपालीभूमि समेटिएर पछिल्लो पटक प्रकाशित गरेको भारतको नयाँ नक्सा आइतबार काठमाडौँमै जलाएको छ ।

    विप्लव नेतृत्वको नेपाल कम्युनिस्ट पार्टी निकट अखिल क्रान्तिकारीले भारतले नेपालीभूमि लिपुलेक, कालापानी क्षेत्रमा सडक निर्माण गरेको विरोधमा नक्सा जलाएको हो । भारतीय अतिक्रमणको विरोध गर्दै संघर्षका कार्यक्रम घोषणा गरेको अखिल क्रान्तिकारीले काठमाडौँको चावहिल, नयाँबसपार्कसहित ललितपुर र भक्तपुरमा पनि भारतीय नक्सा जलाएको छ ।

    संगठनका उपत्यका विशेष ब्यूरोले घोषणा गरेका कार्यक्रमअनुसार आइतबार साँझ उपत्यका र आसपासका जिल्लाहरुमा .एकैसाथ भारतको झण्डा जलाएको छ । भारतको झण्डा जलाउँदै विद्यार्थीहरुले भारतविरुद्ध चर्का नारा लगाएका थिए । उनीहरुले भारतले लिपुलेक क्षेत्रमा सडक निर्माण गरेर नेपालको राष्ट्रिय स्वाधिनतामा नै हस्तक्षेप गरेको भन्दै नाराबाजी गरेका थिए ।

    शनिबार उपत्यका विशेष क्षेत्रीय समन्वय समितिका संयोजक हर्कबहादुर बिकले विज्ञप्ति जारी गर्दै पहिलो चरण बैशाख ३१ गतेसम्म चरणवद्ध संघर्षका कार्यक्रम घोषणा गरेका थिए ।

    अखिल क्रान्तिकारीले शनिबार साँझ भारत र नेपालका प्रधानमन्त्रीको पुत्ला जलाएको थियो ।

    भिडियो

    प्रतिकृया दिनुहोस्