जुम्ला । कर्णाली स्वास्थ्य विज्ञान प्रतिष्ठान शिक्षण अस्पताल जुम्लाले कोरोनाको पिसिआर प्रविधिबाट परीक्षण सुरु गरेको छ । पहिलो चरणमा परीक्षण गरिएका ८ जनाको रिपोर्ट नेगेटिभ आएको छ ।
सोमबारबाट पिसिआर प्रविधिबाट प्रतिस्ठानले परीक्षण सुरु गरेको हो । पहिलो दिनमा मुगुको खत्याडमा खटिएका ७ जना स्वास्थ्यकर्मी र एक जना तातोपानी गाउँपालिकाका स्थानीयको स्वाब परीक्षण गरिएको थियो ।
अस्पतालका निर्देशक डा. मंगल रावलका अनुसार सबैको रिर्पोट नेगेटिभ आएको छ । मुगुको खत्याडमा एक जनामा र्यापिड टेस्ट गर्दा कोरोना पाजेटिभ देखिएपछि प्रतिष्ठानले स्वाब संकलन गरेको थियो ।
त्यसैगरी ४५ दिन अघि भारतबाट आएका तातोपानीका स्थानीयका पनि रिर्पोट परीक्षण गरिएको थियो ।
जुम्लामा पिसिआरबाट कोरोना परीक्षण सुरुभएपछि साबिको कर्णालीमा सहज भएको छ । प्रतिस्ठानले परीक्षण सुरु गरेसँगै कर्णालीका नागरिक खुशी भएका छन् ।
