काठमाडौं । कोरोनाभाइरसको प्रभावलाई कम गर्न भन्दै आजबाट लामो दूरीका सवारी साधान बन्द गरिएको छ । प्रधानमन्त्री केपी शर्मा ओलीले गरेको सम्बोधनको क्रममा घोषणा गरिएअनुसार आज (सोमबार) बाट देशभर चल्ने यात्रुबहाक सवारी सधान संचालनमा रोक लगाइएको हो ।

सार्वजनिक सवारी साधानमा रोक लगाएसँगै घर फर्किने तयारीमा रहेका यात्रुहरु अलपत्र परेका छन् । यातायात व्यवस्था विभागका अनुसार लामो दुरीका सवारीसाधन भन्नाले २ सय ५० किलोमिटरभन्दा बढी दुरीमा गुड्ने सवारीसाधनलाई रोक लगाइएको हो ।

त्यसैगरी आजबाट नेपाल भारत सीमा नाका पनि बन्द गरिएका छन् । भारतबाट कोरोना संक्रमण फैलिन सक्ने भन्दै सरकारले वीरगञ्जस्थित नेपाल–भारत सीमा नाका बन्द गराएको छ । यो नाकाबाट नेपाल फर्किनेको घुइँचो लागेको थियो । यसअघि नेपालगंजस्थित जमुनाह नाका पनि बन्द गरिएको थियो । भोलीबाट गड्डाचौकी नाका पनि बन्द गर्ने तयारी भइरहेको छ ।

त्यसैगरी भारतीय नागरिकलाई भने नेपाल प्रवेशमा रोक लगाइएको छ ।