News Portal

  • कोरोनाबाट मृत्यु हुनेको संख्या ८ हजार नाघ्यो, भारतमा तीनजना

    २९० पटक

    काठमाडौं । कोरोना भाइरसको संक्रमण दिनदिनै भुसको आगो झैं फैलिरहेको छ । अमेरिकाका ५० वटै राज्यमा महामारी फैलिइसकेको छ भने यूरोपका प्राय सबै देशहरुमा मृत्यु हुनेको संख्या बढिरहेको छ ।

    अहिलेसम्म विश्वमा कोरोनाबाट मृत्यु हुनेको संख्या ८ हजार नाघेको छ । पछिल्लो २४ घण्टामा ६ सय जनाको मृत्यु भएको छ । त्यसैगरी १ लाख ८२ हजार ६ सय ५ जना संक्रमित भएको मध्ये ७९ हजार ८ सय ८१ जनाको सफल उपचार भएको छ ।

    ९५ हजार ५ सय ५३ जना उपचारकै क्रममा छन् । तिमध्ये ६ हजार १ सय ६३ जनाको अवस्था गम्भीर रहेको बताइएको छ ।

    इटलीमा मृतकको संख्या २ हजार नघेको छ । स्पेनमा ३ सय ४२ जनाको मृत्यु भएको छ । फ्रान्समा १ सय ४८, स्विजरल्यान्डमा १९, बेलायतमा ५५, नेदरल्यान्डस्मा २४, अमेरिकामा ९१ जनाको मृत्यु भएको छ ।

    त्यसैगरी गएको २४ घण्टामा इरानमा ८ सय ५३ जनको मृत्यु भइसकेको छ थियो । पछिल्लो अपडेट भएको छैन ।

    यसैबीच भारतमा पनि कोरोनाको संक्रमण बढ्दै गइरहेको छ । भारतीय संचारमाध्यमहरुका अनुसार कोरोनाका कारण भारतमा तीन जनाको मृत्यु भइसकेको छ
    मुम्बइको कस्तुरबा अस्पतालमा ६४ वर्षका एक वृद्धको मृत्यु भएको बताइएको छ । गत हप्ता ती वृद्ध र उनको श्रीमती र छोरालाई अस्पताल भर्ना गरिएको थियो । उनीहरु तीनैजना दुवइबाट आएका थिए ।

    मंगलबार उपचारको क्रममा वृद्धको मृत्यु भएको हो भने पत्नी र छोराको उपचार भइरहेको भारतीय सञ्चारमाध्यमले जनाएका छन् ।
    भारतमा कोरोना भाइरसबाट संक्रमितको संख्या एक सय २८ पुगेको छ ।

    प्रतिकृया दिनुहोस्