News Portal

  • प्रधानमन्त्री ओलीलाई आज फेरि अस्पताल ‍लगिँदै 

    २२९ पटक

    काठमाडौं । प्रधानमन्त्री केपी शर्मा ओलीलाई आज फेरि अस्पताल लगिँदैछ । दोस्रोपटक मिर्गौला प्रत्यारोपण गराएर बालुवाटर फर्केका ओलीलाई आज (आइतबार) त्रिवि शिक्षण अस्पताल (महाराजगन्ज) जाँदैछन् ।

    मिर्गौला प्रत्यारोपणको क्रममा प्रधानमन्त्री ओलीको पेटमा राखिएको स्टन्ट निकाल्न आज अस्पताल जाने भएका हुन् । शुक्रबार साँझ मात्र सरकारी निवास बालुवाटार फर्किएका ओलीको स्वास्थ्यमा सुधार भइरहेको बताइएको छ ।

    यसैबीच कोरोना भाइरस संक्रमण रोकथाम र नियन्त्रणका लागि साझा रणनीति बनाउन आइतबारै हुने भनिएकाे सार्क राष्ट्रहरूबीच भिडयो संवाद (कन्फरेन्स) मा पनि प्रधानमन्त्री सहभागी हुने कार्यक्रम छ।

    अपराह्न ५ बजे हुने भिडियो कन्फरेन्समा नेपालका तर्फबाट प्रधानमन्त्री केपी शर्मा ओली नै सहभागी हुने उनकाे सचिवालयले जनाएकाे छ।

    प्रतिकृया दिनुहोस्