News Portal

  • ट्रम्पले गरे कोरोना भाइरस संक्रमणको जाँच, यस्तो छ रिपोर्ट

    २५७ पटक

    काठमाडौं । अमेरिकी राष्ट्रपति डोनल्ड ट्रम्पमा कोरोना भाइरसको संक्रमणको जाँच गरिएको छ । रुघाखोकी देखिएपछि ट्रम्पको जाँच ह्वाइट हाउसका डाक्टरले गरेका थिए । ट्रम्पमा कोरोना संक्रमण देखिएको छैन ।

    ह्‍वाइ हाउसका डाक्टरले भने, ‘आज बेलुका मैले परीक्षणको नतिजा नेगेटिभ भएको पाएँ,’ सिन कोन्लेले शनिबार जारी गरेको एक वक्तव्यमा भने ।

    अन्तर्राष्ट्रिय संचारमाध्यमहरुका अनुसार फ्लोरिडा रिसोर्टमा ब्राजिलका प्रतिनिधीमण्डलसँग आयोजित बैठकको केही दिनपछि उनको कोरोना भाइरसको परिक्षण गरिएको थियो । बैठकमा समावेश ब्राजिलका केही प्रतिनिधीमण्डलमा कोरोना भाइरस देखिएको थियो ।

    ब्राजिलका राष्ट्रपतिका सहयोगी फाबियो वाज्नगार्टेनमा पनि कोरोना संक्रमण देखिएको थियो । ७३ वर्षे ट्रम्पले उक्त भेटपछि आफूमा कुनै लक्षण नदेखिएको भन्दै सेल्फ आइसोलेशनमा बसेनन् । उनको स्वास्थ्य परीक्षण शुक्रबार गरिएको थियो ।

    प्रतिकृया दिनुहोस्