काठमाडौं । पाकिस्तानका पूर्व राष्ट्रपति जनरल परवेज मुशर्रफलाई अदालतले मृत्युदण्डको सजाय सुनाएको छ ।

बिहीबार विशेष अदालतको यस्तो फैसालाको पूर्णपाठ सार्वजिक भएको हो । १६७ पृष्ठ लामो पूर्णपाठमा फैसला सजायअघि मृत्यु भयो भने उनको शव तीन दिनसम्म फाँसीमा झुण्ड्याउन भनिएको छ ।

बीबीसीका अनुसार अदालतको फैसलामा मुशर्रफको मृत्यु फाँसीको सजाय दिन अघि नै भयो भने उनको शवलाई इस्लामावादको डी चोकमा ल्याएर ३ दिन झुण्ड्याउन भनिएको छ ।

फैसलामा भनिएको छ, ‘‘हामीले अभियुक्तलाई हर एक अपराधमा दोषी पाएका छौँ । त्यसैले उनलाई फाँसीमा अन्तिम श्वाससम्म झुण्ड्याइयोस् ।’ पाकिस्तानमा कुनै सैन्य शासकलाई मृत्युदण्डको सजाय सुनाइएको यो पहिलो अवसर हो ।
न्यायाधीशहरुको ३ सदस्यीय बेञ्चले २-१ को बहुमतले यो फैसला सुनाएको थियो । ७६ वर्षिय मुशर्रफ अहिले दुबईको एक अस्पतालमा उपचार गराइरहेका छन् ।