कञ्चनपुर । पुनर्वासबाट ब्राउन सुगर खैरो (हिरोईन) सहित कारमा सवार ३ जनालाई प्रहरीले पक्राउ गरेको छ ।
बुधबार साझ करिब साढे ५ बजे तिर भारतीय बजार बसहिबाट आउदै गरेको अवस्थामा पुनर्वास नगरपालिका ६ ङ गाउँबाट उनीहरुलाई प्रहरीले पक्राउ गरेको हो ।
पक्राउ पर्नेमा कैलालीको गोदावरी नगरपालिका ५ का २० वर्षिय सुभाष भट्ट ,सोही ठाउँका २३ वर्षिय पुरन धामी र २४ वर्षिय लक्ष्मण कडायत रहेको ईलाका प्रहरी कार्यालय त्रिभुवनबस्तीका प्रहरी नायव निरीक्षक गोपाल बोहराले जानकारी दिए ।
पक्राउ परेकाबाट २ ग्राम ब्राउन सुगर बरामद भएको छ । तिनै जना बा ५ च ७९३६ नम्बरको कारमा आएका र कार पुनर्वास ६ ङ गाउँमा पार्किङ गरेर भारतीय बजार गएर ब्राउन सुगर ल्याएको बताए ।
पक्राउ परेका तिनै जनालाई लागू औषध ऐन अन्तर्गत मुद्दा दर्ता गरि म्याद थप गरिएको र बरामद गरिएको कार ईलाका प्रहरी कार्यालय त्रिभुवनबस्तीको नियन्त्रणमा रहेको प्रहरी नायव निरीक्षक गोपाल बोहराले जानकारी दिए ।
