News Portal

  • आजदेखि वकिल र प्रहरीको सम्मेलन शुरु हुँदै

    २४१ पटक

    काठमाडौं । आजदेखि सरकारी वकिल र प्रहरी अनुसन्धान अधिकृतहरुको संयुक्त सम्मेलन काठमाडौंमा शुरु हुँदैछ ।

    राष्ट्रिय सभागृहमा आयोजना हुने दोस्रो राष्ट्रिय सम्मेलनको दिउँसो ४ बजे प्रधानमन्त्री केपी शर्मा ओलीले उद्घाटन गर्ने कार्यक्रम छ ।

    महान्यायाधिवक्ताको कार्यालय र प्रहरी प्रधान कार्यालयको संयुक्त आयोजनामा सम्मेलन गर्न लागिएको हो । आज उद्घाटन कार्यक्रम मात्रै हुने र भोलीदेखि समूहगत छलफल अघि बढ्ने महान्यायाधिवक्ताको कार्यालयका प्रवक्ता संजीवराज रेग्मीले जानकारी दिएका छन् ।

    सम्मेलनमा देशभरका सरकारी वकिल र प्रहरी अनुसन्धान अधिकृत गरी ६ सय भन्दा धेरै सहभागी हुने छन् । भोलीदेखि ६ वटा समूहमा समूहगत छलफल संचालन गरिने प्रवक्ता रेग्मीले बताए ।

    सम्मेलनमा नयाँ संहिता लागू भएपछि त्यसको कार्यान्वयनमा देखिएका समस्या र समाधानका उपायबारे छलफल हुने छ ।

    अनुसन्धानकर्ता प्रहरी र अभियोजनकर्ता सरकारी वकिलबीच सहकार्य बढाउन र सरकारवादी मुद्दामा वस्तुनिष्ट र बैज्ञानिक अनुसन्धान गरी बलियो प्रमाण संकलनका लागि सम्मेलन फलदायी हुने विश्वास लिइएको छ ।

    प्रतिकृया दिनुहोस्