कैलाली । केहीदिन देखि मौसममा आएको खराबीका कारण अत्याधिक चिसो बढेको छ ।
धनगढी उपमहानगरपालिकाले चिसोको कारण २ दिन विद्यालय बन्द गर्ने निर्णय गरेको छ ।
बिहीबार बिहान शिक्षा सरोकारसँग बसेको बैठकपछि उपमहानगरपालिकाले वर्षे र हिउँदे बिदाबाट मिलान हुने गरी बिहीबार र शुक्रबार २ दिन विद्यालय बन्द गर्ने निर्णय गरेको हो ।
उपमहानगरपालिकाका निमित्त प्रमुख प्रशासकीय अधिकृत विष्णुप्रसाद कोइरालाका अनुसार विद्यालय नियमित सञ्चालन गर्न कठिनाइ भएपछि उपमहानगरपालिकाभित्र रहेका सामुदायिक र संस्थागत विद्यालय बन्द गर्ने निर्णय भएको हो ।
