काठमाडौं । फिल्म कर्मी तथा चलचित्र विकास बोर्डका अध्यक्ष केशब भट्टराईको निधन भएको छ ।
आइतबार राति अनामनगरस्थित घरबाट चाबहिलस्थित ओम अस्पताल लैजाँदै गर्दा उनको भएको चलचित्र प्राविधिक संघका अध्यक्ष पुस्कर लामाले जानकारी दिए ।
राति १० : २० बजे ओम अस्पतालमा पुर्याउँदा चिकित्सकले भट्टराईलाई मृत घोषणा गरेका थिए । निधनको खास कारण थाहा नभए पनि हृदयघात भएको हुन सक्ने चिकित्सकलाई उदृत गर्दै लामाले जानकारी दिए ।
सोमबार बिहान १० बजेपछि शवको त्रिवि शिक्षण अस्पतालमा पोष्टमार्टम हुने र त्यसपछि शनिबार निधन भएका अर्का अभिनेता दिपक क्षेत्री र भट्टराईको शव दिउँसो २ बजेपछि चलचित्र विकास वोर्डको कार्यालयमा अन्तिम श्रदाञ्जलीका लागि राखिने अध्यक्ष लामाले बताए ।
सोमबार नै दुवै जनाको दाहसंस्कार गरिने बताइएको छ । ५२ वर्षिय भट्टराई लामो समयदेखि नेपाली चलचित्रमा चरित्र अभिनेताको रुपमा अभिनय गर्दै आएका थिए । एक वर्षअघिदेखि चलचित्र विकास वोर्डको अध्यक्ष रहेका उनी चलचित्र निर्माता पनि थिए ।
