News Portal

  • मुस्ली प्रहार गरी एक युवकको हत्या

    ३७८ पटक

    खोटाङ । टाउकोमा मुस्ली प्रहार हुँदा खोटाङको हलेसी तुवाचुङ नगरपालिका-७ महादेवस्थान गैरीगुठका २४ वर्षिय रमेश राईको ज्यान गएको छ ।

    बिहीबार राति भएको झगडाका क्रममा हलेसी तुवाचुङ नगरपालिका-९ सल्ले, तल्लोचिचिङ्गाका अशोक राई, बलराम राई र बबिन राईको समूहले टाउकोमा मुस्ली प्रहार गर्दा गम्भीर घाइते भएका राईको उपचारको क्रममा मृत्यु भएको जिल्ला प्रहरी कार्यालय खोटाङले जनाएको छ ।

    टाउकोमा गम्भीर चोट लागेपछि अटोमा हालेर हलेसीमा रहेको एक क्लिनिकमा ल्याइएका राईको उपचारकै क्रममा मृत्यु भएको प्रहरीले जनाएको छ । घटनामा संलग्न तीनै जना फरार रहेकाले घटनाबारे थप अनुसन्धान गर्न र फरारहरुको खोजीका लागि जिल्ला प्रहरी कार्यालयबाट प्रहरी निरिक्षकको कमाण्डमा टोली खटाइएको प्रहरीले जनाएको छ ।

    दाजु अर्जुनसहित भूकम्प पुन : निर्माण अन्तर्गतको घर निर्माणको काम गरेर फर्कँदै गरेका रमेश र ३ जना बाटोमा भेट भएपछि सामान्य विषयमा झगडा सुरु भएको जानकारी आएको हलेसी तुवाचुङ नगरपालिकाका मेयर इवन राईले बताए ।

    प्रतिकृया दिनुहोस्