News Portal

हात्तीको आक्रमणबाट २ जना महिलाको मृत्यु, ४ जना घाइते

११६ पटक

कञ्चनपुर । हात्तीको आक्रमणबाट २ महिलाको मृत्यु भएको छ भने ४ जना घाइते भएका छन् ।

मृत्यु हुनेमा महाकाली नगरपालिका वडा नं.२ की ३८ वर्षिय बसन्ती भट्ट र ४५ वर्षिय भुरिदेबी बोहरा रहेका छन् ।

यस्तै घाइते हुनेहरुमा सोही स्थानकी सरिता ओझा, उमादेबी साउद, ललिता बोहरा र सुनिता बिस्ट छन् । घाइतेमध्ये विष्ट र ओझाको अवस्था गम्भिर रहेको प्रहरीले जनाएको छ ।

महाकाली २ स्थित मायावती सामुदायिक वनमा बिहान घाँस काट्न जाँदा उनीहरुमाथि जंगली हात्तीले आक्रमण गरेको हो । मृतक दुबै महिलाको महाकाली अंचल अस्पतालमा उपचारको क्रममा मृत्यु भएको हो ।

३ वटा समुहमा आएका हात्तीले उनीहरुमाथि एक्कासी आक्रमण गरेको बताइएको छ । महिलाहरुमाथि हात्तीले आक्रमण गरेपछि स्थानीय भेला भएर हात्तीलाई जंगलतर्फ भगाएका थिए । घाइतेहरुको पनि महाकाली अंचल अस्पतालमा उपचार भैरहेको छ ।

प्रतिकृया दिनुहोस्