काठमाडौं । रामेछाप नगरपालिका-८ भंगेरीमा मंगलबार बिहान नेपाली सेनाको गाडी र मोटरसाइकल आपसमा ठोक्किँदा मोटरसाइकल चालक १४ वर्षिय बालकको मृत्यु भएको छ भने पछाडी सवार १ बालक घाइते भएका छन् ।
दुर्घटनामा मृत्यु भएका बालकको सवारी चालक अनुमतिपत्र छैन । चालक अनुमतिपत्र नभए पनि मोटरसाइकल लिएर सडकमा निस्किएका उनको मृत्यु भएको छ भने सोही मोटरसाइकलमा सवार १३ वर्षिय अर्का बालक घाइते भएका छन् ।
उनको घटनास्थलमै मृत्यु भएको प्रहरीले जनाएको छ । बिहान १० बजे नयाँ गोरख गण रामेछापको बा १ ग १०७० नं.को गाडी र बा.३८प.३९४८ नं.को मोटरसाइकल आपसमा ठोक्किएका हुन् ।
दुर्घटनामा घाइते भएका मोटरसाइकलमा सवार सोही ठाउँका १३ वर्षिय बालक रामकृष्ण तामाङको जिल्ला अस्पताल मन्थलीमा उपचार भइरहेको छ ।
