काठमाडौं । नेपालमा जारी १३ औं दक्षिण एसियाली खेलकुद(साग)को आज हुने समापन गरिँदैछ । मंसिर १५ गतेदेखि काठमाडौं, पोखरा र जनकपुरमा चलेको सागको आज साँझ दशरथ रंगशालामा विशेष समापन कार्यक्रमको आयोजनाको समापन गरिने भएको हो ।
समापनको अबसरमा खेलाडीहरुको लागि विशेष कार्यक्रमको आयोजना गरिने भएको छ । त्यसलाई मध्यनजर गर्दै काठमाडौं उपत्यकामा चल्ने सवारी साधनमा जोरविजोर प्रणाली लागु गरिएको छ ।
ट्राफिक प्रहरीका अनुसार आज एक दिनको जोर नम्बरका मात्र सवारी साधन चलाउन पाइने भएको छ । खेलकुदको उद्घाटनको दिन बिरोर नम्बरका सवारी सधान मात्रै चलाइएका थिए ।
महानगरीय ट्राफिक प्रहरी महाशाखाका अनुसार पुराना सवारी साधन चलाउन र हर्न बजाउन पनि निषेध गरिएको छ । ट्राफिकले ठुला मालवाहक सवारी साधनहरू रिङरोड भित्र प्रवेशमा पनि रोक लगाएको छ । साथै कम भन्दा कम सवारी साधन निकाल्न पनि अनुरोध गरेको छ ।
खेलकुद परिषद् (राखेप)का सदस्यसचिव रमेशकुमार सिलवालका अनुसार समापनको अबसरमा मध्याह्न १२ बजे सांसदहरुसँग विशेष फुटबल खेल्ने र दिउँसो ३ बजेदेखि पुरुष फुटबलको फाइनल खेल भएपछि विशेष समापन कार्यक्रम गर्ने तयारी भइरहेको छ । आजै खेलाडीहरुका लागि विशेष कार्यक्रम घोषणा गरिने बताएका छन् ।
समापन समारोह करिब डेढ घन्टा चल्ने छ । उद्घाटन भव्य भएजस्तै समापन अझ आकर्षक गरिने राखेपले जनाएको छ ।
