News Portal

बाल यौन शोषणको गर्ने अमेरिकी नागरिक पक्राउ

२०५ पटक

काठमाडौं । प्रहरीले नेपाली बालबालिकालाई यौन शोषण गरेको आरोपमा एक जना अमेरिकी नागरिकलाई पक्राउ गरेको छ ।

नेपाल प्रहरीको केन्द्रीय अनुसन्धान ब्यूरोले पक्राउ गरेको अमेरिकाको इलिनौस बस्ने ४० वर्षिय जैसन लोयड मुडी रहेको जनाएको छ ।

अनुसन्धान ब्यूरोले काठमाडौं महानगरपालिका ९, एयरपोर्टस्थित एक गेष्ट हाउसबाट उनलाई ३ बालिकासहित आपत्तिजनक अवस्थामा नियन्त्रणमा लिएको जनाएको छ ।

ब्यूरोका प्रवक्ता बेलबहादुर पाण्डेका अनुसार जैसन मुडीले आर्थिक प्रलोभन देखाइ तथा खाने कुरा दिइ नेपाली बालबालिकालाई यौन शोषण गर्ने गरेको सूचनाका आधारमा प्रहरीले उनलाई पछ्याएको थियो ।

जैसन मुडीबाट प्रहरीले ३ थान राहदानी, एक थान ल्यापटप, चार थान मोबाइल, विभिन्न बैंकको ४ थान एटीएम कार्ड, विश्वभाषा क्याम्पसबाट जारी पहिचान पत्र बरामद गरेको छ ।

प्रतिकृया दिनुहोस्