News Portal

  • लमजुङको पाउँदीमा बस दुर्घटना, १ को मृत्यु ६ जना घाइते

    २३८ पटक

    लमजुङ । सुन्दरबजार नगरपालिका ७ पाउँदीमा बस दुर्घटना हुँदा एक महिलाको ज्यान गएको छ ।

    लमजुङ बेसीशहरबाट गोर्खा जाँदै गरेको ग १ ख ५७९९ नं.को यात्रु वाहक बस आइतबार बिहान ७ बजे पाउँदीमा दुर्घटना भएको प्रहरीले जनाएको छ ।

    प्रहरीका अनुसार पाउँदी सडकको ओरालोमा रोकिराखिएको बस सडकबाट पाउँदी खोलामा खस्दा घाइते महिलाको सुन्दरबजार कर्मदा अस्पतालमा उपचारका क्रममा ज्यान गएको भएको हो ।

    ज्यान गुमाउने महिलाको पहिचान खुल्न सकेको छैन । जिल्ला ट्राफिक प्रहरी कार्यालय लमजुङका प्रमुख छवबहादुर घर्तीका अनुसार बस दुर्घटना हुँदा घाइते ४ जनालाई उपचारका लागि चितवन मेडिकल कलेज, एक जनालाई आबुखैरेनी र एक जनालाई कर्मदा हस्पिटल सुन्दरबजार पठाइएको छ ।

    उनीहरुको पनि पहिचान खुल्न सकेको छैन । नेपाल प्रहरी, नेपाली सेना, सशस्त्र प्रहरीका साथै स्थानीयले उद्धार गरी घाइतेलाई उपचारका लागि अस्पताल पठाएका हुन् । बस चालक तनहुँ भन्सारका कृष्ण आलेलाई प्रहरीले आफ्नो नियन्त्रणमा लिएको हो ।

    प्रतिकृया दिनुहोस्