चितवन । राप्ती नगरपालिका-५ मा शनिबार साँझ भएको अटो दुर्घटनामा परी ज्यान गुमाउने पाँचै जनाको सनाखत भएको छ भने १ जना गम्भीर घाइते भएका छन् ।
जिल्ला प्रहरी कार्यालय चितवनका अनुसार मृत्यु हुनेमा पर्वतको कुश्मा नगरपालिका पिपलटारी स्थायी ठेगाना भई हाल पूर्वी चितवनको खैरहनी नगरपालिका-८ बस्ने ४९ वर्षिय श्यामप्रसाद तिवारी, खैरहनी नगरपालिका-९ का ४२ वर्षिय विश्वमणी भण्डारी र राप्ती नगरपालिका-९ की २५ वर्षिय मीना खड्का रहेका छन् ।
उनीहरुको उपचारका क्रममा पुरानो मेडिकल कलेजमा मृत्यु भएको हो । अटोचालक खैरहनी नगरपालिका-३ का २६ वर्षिय मणिराम गिरी घाइते भएका छन् । घाइते गिरीको पुरानो मेडिकल कलेजमा उपचार भइरहेको छ । उनको अवस्था गम्भीर रहेको छ ।
शनिबार साँझ राप्ती नगरपालिका-४ चेपाङमार्गबाट भण्डारातर्फ आउँदै गरेको ना १ ह ६४०९ नं.को अटो राप्ती नगरपालिका-५ डुम्रेखाडी पुल नजिक अनियन्त्रित भई पल्टिएको थियो ।
उनीहरु सामूहिक वनभोजका लागि गएको र फर्कने क्रममा क्षमताभन्दा बढी यात्रु बोकेका कारण दुर्घटना भएको जिल्ला प्रहरी कार्यालय चितवनले जनाएको छ ।
