महोत्तरी । शसस्त्र प्रहरी बलले एक थान लोडेड पेस्तोल बेवारिसे अवस्थामा फेला पारेको छ ।
शसस्त्र प्रहरी बल नेपाल विओपी जलेश्वरबाट खटेको गस्ती टोलीले जलेश्वर नगरपालिका-६ धवौलीस्थित रातो नदी पुलमुनिबाट पेस्तोल फेला पारेको हो ।
पुलमुनी केही चम्केको देखेपछि नजिकै पुगेको गस्ती टोलीले पेस्तोल फेला पारेको शसस्त्र प्रहरी बल नेपाल नं.९ गणका गणपति शसस्त्र प्रहरी उपरीक्षक निरकृष्ण अधिकारीले जानकारी दिए । उनले पेस्तोलसहित ५ राउण्ड गोली र गोली लगाउने म्यागजिनसमेत बरामद गरेको बताए ।
पेस्तोल कसैले लुकाएको हो वा फ्यालेर भागेको भन्ने अझै यकिन हुन नसकेको र यस विषयमा प्रहरीले थप अनुसन्धान गर्ने प्रहरी उपरीक्षक अधिकारीको भनाइ छ । पेस्तोल भारतमा निर्मित रहेको र त्यसमा ओरनान्स २००५ लेखिएको छ ।
