डोटी । जोरायल गाउँपालिका वडा नं.२ मा से १ ज २०३९ नं.को महेन्द्र जीप गए राति दुर्घटना हुँदा चालकको मृत्यु भएको छ ।

कैलालीको धनगढीबाट जोरायल जाँदै गरेको जीप राति साढे ८ बजेतिर अनियन्त्रित भई दुर्घटनामा परेको इलाका प्रहरी कार्यालय जोरायलले जनाएको छ ।

मृत्यु हुनेमा जोरायल ४ बस्ने अन्दाजी २१ वर्षिय जीप चालक आश्रम थापा मगर रहेको प्रहरीले जनाएको छ ।
जीप के कति कारणले अनियन्त्रित भएको हो भन्ने विषयमा छानबिन भइरहेको जिल्ला प्रहरी कार्यालय डोटीले जनाएको छ ।