News Portal

साग फुटबलमा भुटानविरुद्ध नेपाल विजयी

१४५ पटक

काठमाडौं । १३औं दक्षिण एसियाली खेलकुद प्रतियोगिता (साग) अन्तर्गत पुरुष फुटबलतर्फ नेपालले भुटानविरुद्ध ४-० को सहज जित निकालेको छ ।

नेपालका लागि सुजल श्रेष्ठले खेलको पाँचौ मिनेटमा गोल गर्दै अग्रता दिएका थिए । आक्रमक खेलेको नेपालले दोस्रो हाफमा ३ गोल थपिसकेको छ ।

नेपालका लागि खेलको ५० औँ मिनेटमा सुजल श्रेष्ठले नै अर्को गोल थप्दै खेललाई २-० को अवस्थामा पुर्याएपछि खेलको ६६ औँ मिनेटमा अभिषेक रिजालले हेडमार्फत गोल गर्दै अग्रता ३-० मा पुर्याए ।

नेपाल त्यतिमै रोकिएन । घरेलु मैदान र दर्शकको साथ पाएको नेपालका लागि खेलको ७७ औँ मिनेटमा मिचेन तामाङले उत्कृष्ट फ्री किक गोल गर्दै अग्रता ४-० मा पुर्याए ।

दुवै टोलीबाट गोल हुन नसकेकाले नेपालले सहज जित दर्ता गराएको हो । यसअघि महिला फुटबलमा नेपालले श्रीलंकालाई पोखरामा १-० गोलअन्तरले पराजित गरेको छ ।

प्रतिकृया दिनुहोस्