काठमाडौं । दक्षिण एसियाली खेलकुद (साग) को उद्घाटन भएको छ । १३ औं सागको त्रिपुरेश्वरस्थित दथरथ रंगशालामा भव्य समारोहबीच उद्घाटन भएको हो ।
राष्ट्रपति विद्यादेवी भण्डारीले भव्य उद्घाटन गरिएको समारोह चलिरहेको छ । उद्घाटन समारहोमा नेपालसहित सहभागी सबै राष्ट्रले आफ्नो देशको कला, संस्कृति र पहिचान झल्कने प्रस्तुति प्रस्तुत गरिएका थिए ।
नेपालमा तेस्रो पटक साग आयोजना भएको हो । उद्घाटनमा नेपाली सेना, नेपाल प्रहरी, सशस्त्र प्रहरी बल, विद्यार्थी र विभिन्न जातजातिका झाँकी प्रदर्शनसमेत गरेका थिए ।
साग उद्घाटनको मार्चपासमा नेपालको झण्डा ओलम्पियन भारोत्तोलक कमलबहादुर अधिकारीले बोकेका छन् । उनले सन् २००६ मा भएको दशौं सागमा स्वर्ण पदक समेत जितेका थिए ।
१३ औं सागमा नेपाल, भारत, बङ्गलादेश, पाकिस्तान, श्रीलङ्का, माल्दिभ्स र भुटानका करिब ३ हजार खेलाडीले २६ खेलमा ३१७ स्वर्ण, ३१७ रजत र ४८१ कास्यका लागि प्रतिस्पर्धा गर्नेछन् ।
यसअघि सन् १९९४ मा नेपालबाटै शुरु भएको सागको आठौं संस्करण नेपालले १९९९ मा आयोजना गरेको थियो ।
