News Portal

  • कालापानी-लिपुलेक अतिक्रमणविरुद्ध अखिल क्रान्तिकारीको प्रदर्शन, अध्यक्ष केसी गिरफ्तार

    ६२६ पटक

    दाङ । नेपालीभूमी कालापानी-लिपुलेक क्षेत्रमाथि भारतीय अतिक्रमणको विरोधमा अखिल क्रान्तिकारीले गरेको विरोध प्रदर्शनमाथि प्रहरीले हस्तक्षेप गरेको छ । विप्लव नेतृत्वको नेपाल कम्युनिस्ट पार्टी निकट अखिल क्रान्तिकारी दाङले विहीबार गरेको प्रदर्शनमाथि प्रहरीले हस्तक्षेप गरेको हो ।

    विद्यार्थीहरु स्कूल-कलेज ड्रेसमै ‘कालापानी-लिपुलेक हाम्रो हो, भारतीय नक्सा खारेज गर, कालापानीबाट भारतीय सेना फिर्ता गर’ सडकमा उत्रिएका थिए । विरोध प्रदर्शनको नेतृत्व गरिरहेका अखिल क्रान्तिकारीका दाङ जिल्ला अध्यक्ष अनिल केसीलाई प्रहरीले गिरफ्तार गरेको छ ।

    नेपालीभूमी अतिक्रमणको विरोध गर्दा गिरफ्तार गरेको भन्दै विद्यार्थीहरुले सरकार र प्रहरीका विरुद्धमा समेत नारा लगाएका थिए ।

    नेपालीभूमी कालापानी-लिपुलेक क्षेत्रलाई समेटेर भारतले आफ्नो राजनीतिक नक्सामा सार्वजनिक गरेसँगै अखिल क्रान्‍तिकारी सडकमा उत्रेको छ ।

    • फोटोः जित क्षेत्र

     

    प्रतिकृया दिनुहोस्