बुटवल । अखिल क्रान्तिकारीले भारतले नेपालीभूमी कालापानी–लिपुलेक क्षेत्रलाई आफ्नो राजनीतिक नक्साको समेटेको विरोधमा यहाँ विशाल विरोध प्रदर्शन गरेका छ । विप्लव नेतृत्वको नेपाल कम्युनिस्ट पार्टी निकट अखिल क्रान्तिकारीले आइतबार बुटवलमा विशाल प्रदर्शन गरेको हो ।
अखिल क्रान्तिकारीको लुम्बीनी क्षेत्रीय समन्वय समितिको आह्वानमा विद्यार्थीहरु स्कुल र कलेजका ड्रेससहित सडकमा निस्केका थिए । प्रहरीले विरोध प्रदर्शनलाई रोक्न खोजेको थियो । तर, हजारौं विद्यार्थीको र्यालीले प्रहरी अबरोध किनारा लगाउँदै अगाडि बढेको थियो ।
विद्यार्थीले ‘लिम्पियाधुरा, कालापानी र लिपुलेक नेपालको हो’, ‘भारतीय सेना नेपाल छोड’ लगायतका नारा लगाउँदै विद्यार्थीले बिरोध जुलुस निकालेका थिए ।
बुटवलको कालिका कलेज,लुम्बिनी वाणिज्य क्याम्पस,सिद्धार्थ क्याम्पस, लगायतका ठूला कलेजका हजारौं विद्यार्थीहरु सडकमा निस्केका थिए । उनीहरुले योगीकुटी, कालिकानगर,देवीनगर,मिलनचोक,नयाँ बसपार्क,गोलपार्कबाट एकैसाथ निकालिएको र्याली निकालिएको थियो ।
विरोध र्याली पुष्पलाल पार्क र मिलनचोक पुगेर कोणसभामा परिणत भएको थियो ।
