News Portal

  • आजदेखि मतदाता शिक्षा कार्यक्रम शुरु

    १९८ पटक

    काठमाडौं । आउँदो १४ गते हुने उपचुनावका लागि बिहिवारदेखि सर्लाहीसहित देशभर मतदाता शिक्षा कार्यक्रम शुरु भएको छ ।

    उपचुनाव हुने ठाउँका हरेक वडामा दुई जनाका दरले मतदाता शिक्षा कार्यकर्ता खटाइएको र उनीहरु आजदेखि मतदाता शिक्षा सम्वन्धी सामाग्रीसहित मतदाताको घरदैलोमै पुग्ने निर्वाचन आयोगले जनाएको छ ।

    सर्लाहीमा उपचुनाव हुन लागेको हरिपूर्वा नगरपालिका-१, मा पनि २ जना मतदाता शिक्षा कार्यकर्ता खटिएका छन् । उनीहरुले मतदान केन्द्र, मतदान गर्ने तरिका, मत सदर र बदर हुने अवस्था लगायतबारे जानकारी दिने छन् ।

    जिल्ला निर्वाचन कार्यालय मलङ्गवाका निमित्त प्रमुख रुद्रबहादुर सुस्लिङले दिएको जानकारी अनुसार बिहिवारदेखि ११ गतेसम्म मतदाता शिक्षा कार्यक्रम सञ्चालन हुनेछ ।

    उपचुनाव आउन ९ दिन मात्रै बाँकी रहेकाले हरिपूर्वा नगरपालिका-१, स्थित वडा कार्यालयमै रहेको २ मतदान केन्द्रमा सुरक्षा सतर्कता बढाइएको छ । मुुख्य निर्वाचन अधिकृत कृष्णराम कोइरालाका अनुसार निर्वाचन आयोगको कार्यतालिका अनुसार उपचुनावको तयारी भएको छ ।

    हरिपूर्वा नगरपालिका-१, को वडाध्यक्षका लागि २ स्वतन्त्रसहित ७ जनाको उम्मेदवारी परेको छ । ती सबै उम्मेदवार अहिले आ-आफ्नो पक्षमा मत माग्दै घरदैलोमा ब्यस्त रहेका छन् । हरिपूर्वा-१, मा १ हजार ३५६ जना मतदाता रहेका छन् ।

    प्रतिकृया दिनुहोस्