News Portal

  • पैसा लिएर एजेन्ट फरार, १४ जना युवा अलपत्र

    २५४ पटक

    बुटवल । वैदेशिक रोजगारीका लागि दुबई पठाई दिने भन्दै १४ जना युवासँग लाखौं रुपैयाँ र पासपोर्ट संकलन गरेर काठमाडौंबाट एक एजेन्ट फरार भएका छन् ।

    काठमाडौंको गैरीधारामा रहेको भेरी एण्ड कर्णाली इन्टरनेशनलको एजेन्ट बताउने प्युठान स्थायी ठेगाना भएका सुरेशमान राजभण्डारी १४ जनाको रकम र पासपोर्ट लिएर सम्पर्कविहीन भएका हुन् ।

    उनले सोही कम्पनीबाट १४ जना युवालाई दुबईको राम्रो कम्पनीमा जागिरका लागि पठाई दिने भन्दै ६ लाख ६० हजार रुपैयाँ लिएको पीडितको भनाइ छ ।

    जेठ महिनामा पैसा र पासपोर्ट बुझाएका युवाहरु अहिले राजभण्डारी फरार भएपछि अलपत्र परेका हुन् । उनले ठगी गरेको भन्दै काठमाडौं महानगरीय प्रहरी वृत्त महाराजगञ्ज र जिल्ला प्रशासन कार्यालय काठमाडौंमा निवेदन दिइएको ठगिने मध्येका एक अर्घाखाँचीको शितगंगा गाउँपालिका, ढाकावाङ्गका २२ वर्षिय मिलन भुषालले बताएका छन् ।

    उनका अनुसार कार्तिक २९ गते महाराजगञ्ज प्रहरी र मंसिर ३ गते जिल्ला प्रशासन कार्यालय काठमाडौंमा निवेदन दिएका छन् ।

    प्रतिकृया दिनुहोस्