News Portal

  • सत्तारुढ (नेकपा)का युवा नेता भन्छन्-यो सरकारले लिपुलेक-कालापानीलाई फिर्ता गराउन सक्दैन

    २७२ पटक

    काठमाडौं । सत्तारुढ नेपाल कम्युनिस्ट पार्टी (नेकपा)का युवा नेता प्रकाश रोकायले वर्तमान सरकारले सीमाको सुरक्षा गर्न नसक्ने बताएका छन् । उनले भारतले नेपालीभूमी आफ्नो नक्सामा हाल्दा समेत सरकारले सशक्त रुपमा आफ्ना कुरा राख्न नसकेको बताए ।

    संवाद डबलीको कार्यक्रममा बोल्दै रोकायाले भातरले आफ्नो नक्सामा पारेको भूमी फिर्ता ल्याउने र सीमा रक्षा गर्न यो सरकारले सक्छ भन्नेमा प्रश्न खडा भएको बताए । उनले सम्पूर्ण राष्ट्रवादी नेपालीहरु एक भएर सरकारलाई दवाव दिनुपर्ने धारणा राखे ।

    तत्कालिन मालेको तर्फबाट आफूहरु कालापानी गएको स्मरण गर्दै रोकायले राष्ट्रियताको रक्षाको लागि एक फेरि सबै एकजुट हुनुपर्ने बेला आएको बताए । अहिले सरकारले आयोजना गर्ने सर्वपक्षीय बैठक वा विज्ञप्ति औपचारिकता पूरा गर्ने गरी आएको भन्दै रोकायाले भने, “यो सरकारले सीमाको रक्षा गर्न सक्छ जस्तो मलाई लाग्दैन । सबै नाटक भइरहेका छन् । यी सबै औपचारिकता पूरा गर्ने कार्य हुन् ।”

    भारतले अतिक्रमण गरेको नेपालीभूमी फिर्ता ल्याउन सबै युवाहरु एकजुट हुनुपर्ने रोकायले बताए ।

    प्रतिकृया दिनुहोस्