काठमाडौं । प्रहरीले अवैधरुपमा हुन्डी कारोबारमा संलग्न एक जना भारतीय नागरिकलाई राजधानीको कुलेश्वरबाट पक्राउ गरेको छ ।
पक्राउ पर्नेमा भारतको बेतिया जिल्ला, जोगपट्टी थाना भएका ५७ वर्षिय सत्यनारायण प्रसाद रहेका छन् । उनलाई महानगरीय प्रहरी बृत्त कालीमाटीको टोलीले पक्राउ गरी हिरासतमा लिएको हो ।
प्रहरीका अनुसार उनको कोठाबाट ३६ लाख रुपैयाँ नदग, ३७ लाख ५ हजार रुपैयाँ बराबरको विभिन्न बैंकको साट्न बाँकी चेक र एक लाख १९ हजार भारतीय रुपैयाँ बरामद भएको छ ।
उनलाई बरामद नगद र चेकसहित थप कारवाहीका लागि राजस्व अनुसन्धान विभाग पुल्चोकमा बुझाएको छ ।
