News Portal

  • कीर्तिपुरस्थित त्रिवि मैदानमा क्रिकेट खेले सचिन

    २५७ पटक

    काठमाडौं । नेपाल आएका भारतका पूर्व क्रिकेटर सचिन तेन्दुल्करले कीर्तिपुरस्थित त्रिवि मैदानमा क्रिकेट खेलेका छन् ।

    बालअधिकार सम्बन्धि महासन्धी पारित भएको ३० वर्ष पुरा भएको उपलक्ष्यमा युनिसेफ नेपालले आयोजना गरेको मैत्रीपूर्ण क्रिकेट खेलमा सचिनको टिम निलोले नेपालका पूर्वकप्तान विनोद दासको टिम रातोलाई ९ विकेटले पराजित गरेको छ ।

    युनिसेफका सद्भावनादूत सचिनले टस जितेर पहिले फिल्डिङ गर्ने निर्णय गरेका थिए । यसपछि ब्याटिङमा उत्रिएको विनोदका टिमले ८ ओभरमा ४ विकेट गुमाउँदै ४४ रन बनाएको थियो । सचिनले सुरुमा विकेटकिपिङ गरेका थिए भने पछि एक ओभर बलिङ गरेका थिए ।

    संगै टिममा रहेका स्कुलका बालबालिकालाई बलिङ तथा ब्याटिङ गर्न प्रोत्साहन गरेका थिए । जवाफी ब्याटिङ गरेको सचिनको टिमले १ विकेटको क्षतिमा ६ ओभरमा लक्ष्य पूरा गरेको थियो । त्यसक्रममा सचिनले ब्याटिङ गरे ।

    उनले ७ रन बनाएपछि मैदान छाडेर आफ्ना टिममा रहेका अन्य बालबालिकालाई खेल्ने मौका दिएका थिए । खेलपछि उनले आफूले खेलबाट मनोरञ्जन लिएको बताए । उनले बालबालिकाको अधिकारको विषयमा वाकालत गर्ने कार्यक्रममा सहभागी हुन पाएकोमा खुसी लागेको बताए ।

    साथै बालबालिकालाई काम लाग्न स्वतन्त्र छाडिदिनु पर्ने बताउँदै भने, ’बालबालिकालाई स्वतन्त्र छाडिदिनुस् । गल्ति गरेकोमा गाली नगर्नुस् । गल्ती सुधार गर्नका लागि प्रोत्सहान गर्नुस् ।’ उनी शुक्रबार राति नेपाल आइपुगेका थिए आजै फर्कने बताइएको छ ।

    प्रतिकृया दिनुहोस्