News Portal

  • आलमलाई नख्खु कारागार ल्याइयो

    २५६ पटक

    काठमाडौं । रौतहट इटाभट्टा हत्याकाण्डका मूख्य नाइके नेपाली कांग्रेसका नेता मोहम्मद अफ्ताब आलमलाई काठमाडौंकोे नख्खु कारागार ल्याईएको छ ।

    राजपुर बम विस्फोट प्रकरणका नाममा पनि चिनिने सो हत्याकाण्डमा दोषी पाईएपछि उनलाई शुक्रबार मात्रै जिल्ला अदालत रौतहटले पुर्पक्षका लागि थुनामा राख्न आदेश दिएको थियो ।

    अदालतको आदेशलगत्तै उनलाई केही घण्टासम्म जिल्ला कारागार रौतहटमै राखिए पनि सुरक्षाको कारण देखाउँदै शनिबार बिहान ४ बजे नै नख्खु कारागार ल्याईएको प्रहरीले जनाएको छ ।

    थुनामा राख्न आदेश दिने रौतहट जिल्ला न्यायाधीश दीपक ढकाल र वकालत गर्ने न्यायधिवक्ता खडिन्द्र कटुवालले आफुमाथि आलम पक्षबाट सुरक्षा खतरा भएको भन्दै सरुवा माग गरेका छन् ।

    उनलाई रौतहटमा राख्न उपयुक्त नहुने अदालतको आदेशमा उल्लेख थियो । अदालतले आलमलाई अन्य कारागारमा स्थानान्तरण गर्न सक्ने आदेशसमेत दिएको छ । उनकोे विपक्षमा फैसला आएपछि अहिले रौतहटको सुरक्षा व्यवस्था कडा पारिएको छ ।

    आलमको विपक्षमा बयान दिएका सरकारी साक्षीहरुलाई पनि प्रहरीले सुरक्षा दिरहेको छ ।

    प्रतिकृया दिनुहोस्