News Portal

  • ‘बुलबुल’ आँधीः भारत र बंगलादेशमा गरी ३० जनाको  मृत्यु, २० लाख घरबारविहीन

    २८८ पटक

    काठमाडौं । भारतको पश्‍चिम बंगालबाट आएको आँधीका कारण मृत्यु हुनेको संख्या बढिरहेको छ । बङ्गलादेश र भारतको तटीय क्षेत्रमा ‘बुलबुल’ नाम दिइएको सामुद्रिक आँधीका कारण करिब २० लाख मानिसहरु घरबारविहीन भएका छन् ।

    करिब १ सय २० किलोमिटर प्रतिघण्टाको गतिमा शनिबार ८ः३० बजे भारतको पश्चिम बङ्गालबाट बङ्गलादेशको उत्तरपूर्वी क्षेत्रतर्फ बढेको आँधीका भारत र बंगलादेशमा गरी ३० जनाको मृत्यु भएको अन्तर्राष्ट्रिय संचारमाध्यमहरुले जनाएका छन् । दर्जनौं व्यक्तिहरु घाइते भएका छन् ।

    बुलबुलबाट भारतको पश्चिम बंगाल र बंगलादेशमा गरी ३० जनाको मृत्यु भएको बताइएको छ ।

    बङ्गलादेशको दक्षिणी टापु भोलानजिकै रहेको मेघना नदीमा माछा मार्न गएका पाँचजना माझी हराइरहेका जिल्ला प्रशासक मसूद आलम सिद्दीकीले बताएका छन् । बुलबुलले माटो र जस्तापाताले बनाएका अधिकांश घरमा क्षति पुर्‍याएको अधिकारीहरुले बताएका छन् ।

    बङ्गलादेशको मौसम विज्ञान विभागका अधिकारी डाक्टर अबुल कलाम मलिकले बुलबुल आँधीले आइतबार नै बङ्गलादेशको दक्षिणपश्चिमी तटीय क्षेत्र पार गरिसकेको जनाइसकेका छन् ।

    प्रतिकृया दिनुहोस्