सर्लाही । लालबन्दीमा टिपरको ठक्करबाट मोटरसाइकल चालकको मृत्यु भएको छ ।
पूर्वपश्चिम लोकमार्ग अन्तर्गत लालबन्दी नगरपालिका-१७ कालिन्जोर पुल नजिकै पश्चिमबाट पूर्व तर्फ जाँदै गरेको टिपरको ठक्करबाट ईश्वरपुर नगरपालिका-१४ का २६ वषिय दिपेन महतोको मृत्यु भएको प्रहरीले जनाएको हो ।
ना ८ ख ६२७० नं.को टिपरले महतोले चलाएको ना ४६ प २५८२ नं.को मोटरसाइकललाई ठक्कर दिएको थियो । तरकारी बोकेर बिक्रीको लागि लालबन्दी बजार आउँदै गरेका महताको टिपरको ठक्करबाट घटनास्थलमै ज्यान गएको प्रहरीले जनाएको छ ।
मृतक महतोको शव परिक्षणका लागि जिल्ला अस्पतालमा राखिएको छ । प्रहरीले ठक्कर दिने टिपर, चालक र मोटरसाइकललाई नियन्त्रणमा लिएको छ ।
