News Portal

  • नदीको दहमा डुबेर एक जना बेपत्ता, खोजीकार्य जारी

    १३९ पटक

    उदयपुर । सोमबार साँझ एक व्यक्ति त्रियुगा नदीको दहमा डुबेर बेपत्ता भएका छन् ।

    खोटाङको सावाकटहरे ६ घर भई हाल चौनपा ९ अजगरा ससुराली घर बस्दै आएका ४० वर्षिय सुबास विक त्रियुगा नदीको दहमा डुबेर बेपत्ता भएका हुन् ।

    बेल्टार बजारबाट घरतर्फ फर्कदै गर्दा बेलुका ७ बजे डुबेर बेपत्ता भएको इलाका प्रहरी कार्यालय बेल्टारले जानकारी दिएको छ ।
    उनका अनुसार दह अन्दाजी २० फिट गहिरो रहेकोले सोमबार राति १ बजेसम्म सशस्त्र प्रहरी र इलाका प्रहरी कार्यालय बेल्टारबाट खटिएको टोलीले खोजि गरेपनि फेला परेको थिएन ।

    सोमबार रातिसम्म फेला नपरेपछि मंगलबार बिहानैबाट पुन : सशस्त्र प्रहरी बल नेपाल नं. ५ गण गाईघाटबाट ११ जनाको दैवी प्रकोप उद्धार तालिम प्राप्त टोली खोजि गरी रहेको छ ।

    प्रतिकृया दिनुहोस्