उदयपुर । मदन भण्डारी स्मृति राजमार्गस्थित चौदण्डीगढी नगरपालिका-७ स्थित भुल्केमा सोमबार साँझ सांसद र उपमेयर सवार कार दुर्घटना भएको छ ।

स.१ झ ५३१ नं.को कार दुर्घटना हुँदा प्रदेश नं.१ का सांसद ४२ वर्षिय सञ्झा दनुवार र त्रियुगा नगरपालिकाका उपमेयर ५५ वर्षिय देवीकुमारी चौधरी घाइते भएको प्रहरीले जनाएको छ ।

लैंगिक हिंसा विरुद्धको वर्ष अभियान २०७६ र ७७ को लैङ्गिक हिंसा अन्त्यका लागि सरोकारवाला निकायको जिम्मेवारी, भूमिका र प्रतिवद्धता विषय प्रदेश स्तरीय अन्तरक्रियात्मक कार्यक्रमबाट फर्किदै गर्दा दुर्घटना भएको हो ।

घाइते दुवै जनाको प्राथमिक स्वास्थ्य केन्द्र बेल्टारमा उपचार भइरहेको छ । चालक योगेश चौधरीका अनुसार चौदण्डीगढी नगरपालिका ७ भुल्केस्थित मोडमा साइकललाई बचाउन खोज्दा कार सडक भन्दा तल खसेको हो । उनका अनुसार कारमा सामान्य क्षति पुगेको छ ।