News Portal

  • भालुको आक्रमणबाट घाइते बालकलाई थप उपचारका लागि काठमाडौं ल्याइयो

    ३७५ पटक

    संखुवासभा । मकालु गाउँपालिका-२ मा भालुको आक्रमणबाट घाइते भएका एक बालकलाई थप उपचारका लागि काठमाडौं ल्याइएको छ ।

    गत आइतबार भालुको आक्रमणबाट घाइते भएका मकालु-२ का १४ वर्षिय दावा नुर्बु शेर्पालाई थप उपचारका लागि मनाङ एयरको हेलिकप्टरबाट काठमाडौं ल्याइएको हो ।

    जंगलमा टिमुर टिप्न गएका नुर्बलाई भालुले आक्रमण गर्दा टाउको र खुट्टामा गहिरो चोट लागेर गम्भीर घाइते भएका छन् ।
    उनको मकालु स्वास्थ्य चौकीमा उपचार हुन नसक्ने भएपछि थप उपचारका लागि हेलिकप्टरमा मंगलबार काठमाडौं ल्याइएको प्रहरीले जनाएको छ ।

    मकालु गाउँपालिका राष्ट्रिय निकुञ्ज भएका कारण जंगली जनावरको आंतक बढेको स्थानियको भनाइ छ । निकुञ्जका जंगली भालुको आक्रमणबाट यसै वर्ष मात्र आधा दर्जन भन्दा बढी मनिसहरु घाइते भइसकेका छन् ।

    प्रतिकृया दिनुहोस्